Google ADS

Presidenti i Francës feston me Mendyn dhe Pogban në zhveshtore

23:13 | 15 Korrik 2018
Arbresh.info

Presidenti i Francës, Emmanuel Macron, nuk e ka fshehur gëzimin pas suksesit të kombëtares së tij në Kampionatin Botëror.

Les Bleus fituan me rezultat 4-2 në finale kundër Kroacisë duke e fituar Kupën e Botës për herë të dytë në histori.

Gjatë gjithë ndeshjes, Macron e kishte përcjellë lojën me emocione duke u gëzuar në momentet e golave të kombëtares së tij dhe këtë e bëri plot katër herë.

Ndërsa pas festës në stadium para kamerave dhe ndarjes së medaljeve, presidenti francez ka festuar edhe në zhveshtore me lojtarët.

Ai është bashkuar me Benjamin Mendyn dhe Paul Pogban për ta festuar triumfin historik të Les Bleus.

Në rrjetet sociale është shpërndarë një video nga festa e përbashkët e Macron me lojtarët francezë.

Për herë të parë, Franca e kishte fituar Kupën e Botës në vitin 1998.

https://twitter.com/twitter/statuses/1018564458497572867

Shpërndaje në rrjete sociale

Lajmet më të lexuara

Të ngjashme

Foto lajm